Nepal Tea Garden labour union


Email
phone
+977 -1-4469954 / 4469

Description

नेपाल चियावगान श्रमिक संघ 

Nepal Tea Garden labour union


नेपाल चिया वगान श्रमिक संघ २०४८ सालमा अर्जुन तिमिल्सिनाको अध्यक्षतामा तदर्थ समिति गठन भई स्थापना भएको हो । स्थापनाकालमा यसलाई नेपाल चियावगान मजदुर काँग्रेसको नामबाट क्रियाशिल रहेको थियो । चियावगान क्षेत्रका श्रमिकहरुको साँगठनिक विस्तारका क्रममा सर्व प्रथम टोकला चियावगानबाट संगठन निर्माणको प्रारम्भ भएको हो । चियागानमा कार्यरत श्रमिकहरुको पेशागत हक हित, पेशागत सुरक्षाका साथै कार्य समय मासिक तथा दैनिक ज्याला निर्धारण, सामाजिक सुरक्षा, पेशाको स्थायित्व लगायत व्यक्तिगत तथा सामूहिक हक हितका निमित्त यस संघले स्थापनाकालदेखि हालसम्म धेरै उतारचढाव पार गरेको छ  । २०५० सालमा भएको प्रथम अधिवेशनले नेपाल चियावगान मजदुर काँग्रेसको नाम परिवर्तन गरी नेपाल चियावगान श्रमिक संघ राखेको हो । 

संगठन विस्तारको क्रममा नेपालको विशेषतः पुर्वी क्षेत्र इलाम, झापा, ताप्लेजुङ, पाँचथर, धनकुटा जिल्लामा जिल्ला समिति विस्तार र प्रायः सवै चिया बगानहरुमा इकाई समितिको गठन गरिसकेको छ । नेपाल चिया वगान श्रमिक संघभित्र १४,०४५ संगठित सदस्यहरु छन् । अन्तर्राष्ट्रियरुपमा संघ IUF सँग आवद्ध रहेको छ । 

NTUC र DECONT को २०६५ सालमा एकीकरण भएपश्चात नेपाल चियागान श्रमिक संघ र नेपाल चियावगान मजदुर संघ एकीकरण भई नेपाल चियावगान श्रमिक संघका नाम कायम भएको हो । नेपाल चियावगान श्रमिक संघको तेश्रो महाधिवेशनसम्म अर्जुन तिमिल्सिनाले नेतृत्व गरिरहनु भएको थियो भने चौथो महाधिवेशन २०५८ पछि दीपक तामाङले नेतृत्व सम्हाल्नु भएको छ । पुनः संघको पाँचौं महाधिवेशनले दीपक तामाङकै अध्यक्षतामा निम्नानुसारको कार्य समिति चयन गरेको छ । 

संघको उद्देश्य 
–    चियाबगान  क्षेत्रका श्रमिकहरुलाई संगठित गर्ने । 
–    न्यूनतम ज्याला अभिवृद्धि गर्ने । 
–    सामूहिक सौदावाजी गर्ने । 
–    लैङ्गिक विभेद हटाउने । 
–    समान कामका लागि समान ज्यालाको निम्ति पहल गर्ने । 
–    मर्यादित कामका लागि आई.एल.ओ. अभिसन्धि अनुमोदन गराउन पहल गर्ने ।  
–    शैक्षिक कार्यक्रम संचालन गर्ने । 

२०६९ सालमा निर्वाचित कार्य समितिको नामावली

अध्यक्ष                    दीपक तामाङ
ब. उपाध्यक्ष              भक्त बहादुर वि.क.
महिला उपाध्यक्ष         नर्वदा निरौला 
उपाध्यक्ष                  कमला खनाल 
महा सचिव               मिलन राई 
उप महासचिव          गुन्धर राजवन्सी 
उप महासचिव          लोक बहादुर खड्का 
कोषाध्यक्ष                जीवन खड्का
सह कोषाध्यक्ष           सर्मिला रसाइली
सदस्य                     सरकार टुडु
सदस्य                     नवराज राई
सदस्य                     नाक बहादुर लिम्बु
सदस्य                     अकल बहादुर श्रेष्ठ 
सदस्य                      रुद्र प्रसाद पौडेल
सदस्य                      भरमराज वंशी
सदस्य                      रतनलाल माझी
सदस्य                      शिवलाल राजवंशी
सदस्य                      कुमार तामाङ
सदस्य                      सविर सेख
महिला संयोजक         चन्द्र कुमारी प्रधान 
युवा संयोजक             टंकनाथ खनाल 
 

Publication
Press Release