Financial institution workers union of Nepal (FEIUN)


Email
info@fieun.org
phone
+977-1234567891

Description

नेपाल वित्तीय संस्था कर्मचारी संघ

Financial institution workers union of Nepal (FEIUN)


बिसं २०४६ सालमा प्रजातन्त्र पुनःस्थापनापछि बैंक तथा वित्तीय क्षेत्रमा कार्यरत प्रजातन्त्रवादी कर्मचारीहरू वर्गीय र पेशागत हकहित सुरक्षाका लागि संगठित भए । यही क्रममा नेपाल बैंक लिमिटेड, राष्ट्रिय वाणिज्य बैंक, कृषि विकास बैंक र नेपाल राष्ट्र बैंक लगायत अन्य वित्तीय संघसंस्थाहरूमा कार्यरत प्रजातन्त्रवादी कर्मचारीहरूको अगुवाईमा २०४७ साल वैशाख १७ गते ‘बैंक कर्मचारी कांग्रेस’ को स्थापना भयो । सज्जन भट्टराईको अध्यक्षतामा गठित यो तदर्थ समिति १५ सदस्यीय थियो । तर, यसले मुलुकका सबै बैंक, बीमा एवं वित्तीय संस्थामा कार्यरत प्रजातन्त्रवादी कर्मचारीहरूलाई समेट्न सकेको थिएन । यसै विषयलाई दृष्टिगत गरी २०४७ साल चैत २२ गते बैंक कर्मचारी कांग्रेसको नाम परिवर्तन गरी नेपाल वित्तीय संस्था कर्मचारी संघ निर्माण गरियो । 

संगठनको नाम परिवर्तनका साथै तदर्थ समिति समेत फेरियो । तदनुसार अम्मरकुमार खड्काको अध्ययक्षतामा १० सदस्यीय नेपाल वित्तीय संस्था कर्मचारी संघको नयाँ तदर्थ समिति बन्यो । जसमा उपाध्यक्ष विन्दुप्रसाद अर्याल, महासचिव सरोज मिश्र, सचिव शंकर भट्टराई, कोषाध्यक्ष श्रीमती दीर्घा शर्मा र सदस्यहरूमा रमोला राजभण्डारी, खिलानाथ दाहाल, सुशीलकुमार लाल, अर्जुनकुमार अर्याल र केदार गौतम थिए । यस समितिले विशेष गरी जिल्ला र प्रतिष्ठानमा संगठन विस्तार, वैदेशिक सम्बन्ध विस्तार, आबद्ध संस्थाहरूको क्षमता एवं नेतृत्व विकास र विधान मस्यौदा एवं विधान अधिवेशन गर्ने जिम्मेवारी पाएको थियो । यसैबीच, संघका सस्थापक अध्यक्ष अम्मरकुमार खड्काले राजीनामा दिएका कारण ०४९ साल फागुन २२ गते खिलानाथ दाहालको अध्यक्षतामा तदर्थ समिति पुनर्गठन गरियो । यस तदर्थ समितिले पाएको जिम्मेवारीमध्ये ०४९ चैत ६ गते काठमाडौंमा विधान अधिवेशन सम्पन्न गरी संघलाई वित्तिय क्षेत्रको अन्तर्राष्ट्रिय ट्रेड युनियन (एफआईईटी) सँग आबद्ध गराउने र जिल्ला–जिल्लामा संगठन विस्तारका महत्वपूर्ण कार्य ग¥यो । नेपाल वित्तिय संस्था कर्मचारी संघको ०५० साल माघ २८ र २९ गते ललितपुरमा प्रथम महाधिवेशनले अमृतमणि पौडेलको अध्यक्षतामा १९ सदस्यीय राष्ट्रिय कार्यसमिति निर्वाचित गरेको थियो ।  

संघले  आफ्नो सांगठनिक गतिविधि अगाडि बढाउने क्रममा २०६९ चैत्र २२ र २३ मा  सातौं महाधिवेशन र २०७२ चैत्र २२ र २३ गते सातौं परिषद सम्पन्न गरिसकेको छ ।  २०५९ फागुण ५ र ६ मा सम्पन्न पाँचौ महाधिवेशन सम्म आई पुग्दा सरकारी स्वामित्वका बैंक तथा वित्तीय संस्थाहरुमा सिमित रहेको संघको सागठनिक पहुँचलाई विस्तार गरी नीजि, संयूक्त एवं बहुराष्ट्रिय लगानीमा स्थापित भएका बैंक, विमा, धितोपत्र, सहकारीका साथै अन्य वित्तीय संस्थाहरुमा कार्यरत  कामदार, कर्मचारीहरुलाई संगठित गर्दै अगाडि बढेको छ । नेपालको वित्तीय क्षेत्रमा संगठन विस्तार कार्यक्रमलाई तीव्ररुपमा अगाडि बढाएको यस संघले हाल सम्म बैंक, विमा, धितोपत्र र अन्य वित्तीय संस्थाहरुवाट ४६ वटा प्रतिष्ठान स्तरका यूनियनहरुलाई आवद्ध गराई करिव १६५०० भन्दा वढी सदस्यहरुको नेतृत्व गर्दै ६ वटा क्षेत्रीय समिति र ७० जिल्ला समितिहरु मार्फत आफ्ना सांगठनिक गतिविधि अगाडि बढाउदै आएको छ । 

यो संघ रािष्ट्रय रूपमा नेपाल ट्रेड युनियन कांग्रेस र अन्तर्राष्ट्रियस्तरमा यूएनआई सँग आबद्ध छ । संघ लोकतान्त्रिक मूल्यमान्यता र आदर्शलाई आत्मसात गर्दै पेशागत हकहितको संरक्षणमा सक्रिय ढंगले लाग्दै आएको छ । मिति २०६९ चैत्र २२ र २३ गते भएको संघको महाधिवेशनले गणेशबहादुर के.सी. को अध्यक्षतामा निम्नानुसारको कार्य समिति गठन गरेको छ । 


अध्यक्ष                                   गणेशबहादुर के.सी.
बरिष्ठ उपाध्यक्ष                        ऋषिराम आचार्य
उपाध्यक्ष (खुल्ला)                     रमेशकुमार रावल 
उपाध्यक्ष महिला                      बालकुमारी थापा 
उपाध्यक्ष मधेशी                      विनोदकुमार दुवे 
उपाध्यक्ष विमा क्षेत्र                  पूर्णबहादुर थापा 
उपाध्यक्ष बैंकिङ्ग                     परशुराम खनाल 
महासचिव                             लक्ष्मणकुमार अधिकारी 
उपमहासचिव                         कमलकुमार खत्री 
उपमहासचिव                        यज्ञराज खैर 
उपमहासचिव                        बासुदेव खत्री 
उपमहासचिव                        होताराम योगी 
कोषाध्यक्ष                            धर्मप्रसाद खनाल 
सहकोषाध्यक्ष                        दिव्यकाजी बरिया 
सदस्य                                प्रमोदप्रसाद जोशी 
सदस्य                                रमेश तामाङ
सदस्य                                बीरेन्द्रबहादुर विष्ट     
सदस्य                                ध्रुव योगी 
सदस्य                                राजेशकुमार श्रीवास्तव 
सदस्य                                सञ्जिवकुमार साह 
सदस्य                                होमबहादुर कार्की 
सदस्य                                राजनप्रसाद रेग्मी 
सदस्य                                सुरज ढकाल 
सदस्य                                मिना अधिकारी 
सदस्य                                इश्वरी कठायत 
सदस्य                               मिथिला ढुंगाना 
सदस्य                               निरा थपलिया 
सदस्य                              रामसेवक साह 
सदस्य                              विजयकुमार यादव 
सदस्य                              तुलाराम गुरुङ
सदस्य                              रामचन्द्र वि.क.
पूर्वाञ्चल क्षेत्रीय अध्यक्ष           ठाकुर प्रसाद ओझा 
बागमती क्षेत्रीय अध्यक्ष           राजुभक्त प्रधानाङ्ग
नारायणी क्षेत्रीय अध्यक्ष           हृदयकान्त झा 
पश्चिमाञ्चल क्षेत्रीय अध्यक्ष         राजकुमार श्रेष्ठ 
मध्यपश्चिमाञ्चल क्षेत्रीय अध्यक्ष    यदुनन्दन भण्डारी 
सुदुर पश्चिमाञ्चल क्षेत्रीय अध्यक्ष  दीर्घबहादुर शाह 
महिला समिति अध्यक्ष            ओमहरी गुरागाई 
युवा समिति अध्यक्ष                हरिकृष्ण भट्टराई 

Publication
Press Release